Cristiano Ronaldo sot mbush 33 vjeç dhe pavarësisht se në këtë moshë, sulmuesit fillojnë me rënien, ai vazhdon të mbetet një lojtarë vendimtar me rekorde që rrallë kush mund t’i thyeje.
Më poshtë, ju ftojmë të lexoni 33 fakte për karrierën e tij që mbase nuk i dini:
1. Golashënuesi i dytë më i mirë i historisë së La Ligas
Cristiano Ronaldo ka shënuar 294 gola në 274 ndeshje të La Ligas. Është golashënuesi i dytë më i mirë i historisë së këtij kompeticioni.
2. Dy kompeticionet në të cilat ai nuk ka shënuar
Cristiano ka luajtur në Portugali, Angli dhe Spanjë. Sulmuesi ka shënuar në të gjitha kompeticionet në të cilat ka luajtur përveç Community Shield dhe Europa League. Në të parën mori pjesë në një ndeshje, ndërsa në të dytën, luajti dy herë por nuk arriti të shënonte.
3. 99 dopieta
Cristiano Ronaldo ka shënuar 99 dopieta në karrierën e tij. Me Real Madridin ka arritur të shënoje 73, me Manchester United 25 dhe me Sporting Lisbon një herë.
4. Golashënuesi më i mirë i historisë së Portugalisë
Ai është golashënuesi më i mirë i të gjitha kohërave me kombëtaren e tij. Ka luajtur në 147 ndeshje dhe ka shënuar 79 gola.
5. Sevilla, rivali i preferuar
Sevilla është ekipi ndaj të cilës ka shënuar më së shumti gola. Në total, ai ka shënuar 27 gola ndaj ekipit Andaluzian në 18 përballje ndaj tyre në të gjitha kompeticionet.
6. Golashënuesi më i mirë i historisë së Real Madridit
As Di Stefano, as Raul, as Puskas e as Santillana. Golashënuesi më i mirë i historisë së Real Madridit është Cristiano Ronaldo. 427 gola në 421 ndeshje.
7. Terrori i Gorka iraizoz
Gorka Iraizoz është portieri që i ka shënuar më së shumti. Është përballur me të në 14 ndeshje dhe i ka shënuar 15 gola.
8. Ka shënuar 11 gola në finalet e luajtura
Cristiano ka marë pjesë në 13 finale në nivel klubesh. Në këto ndeshje ai ka arritur të shënoje 18 gola.
9. Tre herë fituesi i çmimit ‘Pichichi’
Cristiano Ronaldo ka fituar çmimin ‘Pichichi’ i La Ligas në tre raste të ndryshme. Sezoni 2010/11, 2013/14 dhe 2014/15. Në këtë të fundit regjistroi statistikat më të mira të tij: 48 gola.
10. 5 herë fituesi i Topit të Artë
Është lojtari që sëbashku me Messin ka arritur të fitoje 5 herë topin e artë. Dy të fundit i ka marë në dy vite rradhazi.
11. 6 herë golashënuesi më i mirë i Championsit
Në 5 sezone rradhazi ka qenë golashënuesi më i mirë i Champions League. Në total ka 6 kompeticione ku ka qenë më i miri, me të parën të arritur në sezonin 2007-08 si lojtarë i Manchester United.
12. 61 gola në një sezon të vetëm
Në sezonin 2014-15 Cristiano mori arritjen më të madhe brenda një sezoni. Ai shënoi 61 gola, duke tejkaluar 60 golat e shënuar në sezonin 2011-12.
13. 12 sezone rradhazi që shënon +20 gola
Që nga sezoni 2006-07, Cristiano ka tejkaluar gjithmonë shifrën e 20 golave. Shifrën më të dobët sidoqoftë e mban këtë vit, me 23 gola të shënuar.
14. Lojtari me më së shumti penallti të realizuara në La Liga
Cristiano është lojtari që ka shënuar më së shumti nga 11 metërshi. Portugezi ka shënuar 77 nga 90 penalltitë që ka patur në dispozicion.
15. 53 gola nga goditjet e dënimit
CR7 është një specialist i goditjeve të dënimit. Ai ka shënuar në toal 53 gola nga goditjet e dënimit në ndeshje zyrtare, duke përfshirë edhe 7 të tilla me kombëtaren Portugeze. Me Real Madridin, ka shënuar 33.
16. 107 gola me kokë
Cristiano është poashtu një specialist në lojën në ajër. Ai ka shënuar 107 gola me kokë në karrierën e tij si profesionist. Me Real Madridin ka arritur të shënoje 65.
17. Debutoi në vitin 2002
Debutimin e parë si profesionist e bëri me 14 Gusht të vitit 2002 me Sporting Lisbonln. Rivali ishte Inter në një ndeshje të fazës së kualifikimeve për në Champions. Rezultati final ishte 0-0. Në atë kohë ishte vetëm 17 vjeç.
18. Lojtari i parë që tejkalon shifrën e 100 golave në Champions
Cristiano ka tejkaluar për të parën herë në historinë e Championsit 100 golat në këtë kompeticion. Aktualisht mbanë 115 gola mbi emrin e tij. Me Real Madridin ka shënuar 99 gola.
19. Rekord me Real Madridin duke shënuar në disa javë rradhazi
Në sezonin 2014-15, Cristiano Ronaldo shënoi në 10 javë rradhazi duke arritur 19 gola. Ky është rekordi më i madh i një lojtari të Real Madridit.
20. Debuton me kombëtaren kur kishte 17 vjeç
Që në epokën kur ishte një adoleshent, teknikët që e stërvisnin atë e rekomandonin në ekipin e parë. Në moshën 17 vjeçare debuton me kombëtaren absolute ndaj Kazakhistan. Që atëherë nuk është ndarë më kurrë nga Kombëtarja.
21. Ka shënuar 2 ri-poker
Nuk është e lehtë të shënosh më tepër se 4 gola në një ndeshje. Të pakët janë lojtarët që e kanë arritur diçka të tillë. Cristiano ka shënuar 5 gola në dy ndeshje të ndryshme. Një ndaj Granadas dhe tjetrën ndaj Espanyol.
22. 331 gola me këmbën e djathtë
Ai është një golashënues total. Golat e tij vijnë nga çdo pozicion dhe ai menaxhon me një lehtësi të madhe golat e shënuar me këmbën e djathtë. Pa dyshim, është këmba e djathtë ajo që mund të konsiderohet këmba e tij e preferuar. Me të ka shënuar 331 gola.
23. Është përballur 34 herë me Lionel Messin
Cristiano dhe Messi, dy lojtarët më të mirë të dekadës së fundit, janë përballur 34 herë ndërmjet tyre. Argjentinasi ka shënuar 20 gola, Portugezi 18.
24. Është përjashtuar në 6 raste
Cristiano Ronaldo është përjashtuar nga fusha në 6 raste të ndryshme gjatë karrierës së tij. E fundit ishte në finalen e Superkupës së Spanjës ndaj Barcelonës.
25. Ka përdorur katër numra të ndryshëm në fanellë
Cristiano Ronaldo njihet për numrin 7, por në karrierën e tij ka mbajtur edhe numra të tjerë si 17, 9 dhe 28.
26. 329 ndeshje përkrah Benzemas
Është lojtari që ka luajtur më së shumti ndeshje me Benzeman. Sëbashku me Francezin kanë luajtur në 329 përballje.
27. Goli i tij i parë
Me 7 Tetor të vitit 2002, Cristiano shënoi golin e parë. Ishte në një ndeshje kampionati ndaj Moreirense kur mbronte ngjyrat e Sportingut të Lisbonës. Në këtë ndeshje poashtu shënoi dopietën e tij të parë.
28. Ka patur 12 trajnerë të ndryshëm
Cristiano ka patur 12 trajnerë të ndryshëm që nga viti 2002 e deri më tani.
29. 11 ndeshje rradhazi duke shënuar
Ecuria më e mirë me golat e shënuar në të gjitha kompeticionet ka qenë në 11 ndeshje rradhazi në sezonin 2013-14. Në këto ndeshje ai shënoi në total 15 gola.
30. 12 tituj kolektiv
Cristiano ka kontribuar në 12 tituj kolektiv me ekipet në të cilat ka luajtur. Në muzeun e tij të çmuar bëjnë pjesë tituj si Europiani, botërori i klubeve, Championsi, Superkupa e Europës, Superkupa e Spanjës, Superkupa e Portugalisë, La Liga, Premier League, Community Shield, FA Cup, Copa Del Rey dhe kupa e Anglisë.
31. Goleada më e mirë, një 10-2.
Me 20 Dhjetor të vitit 2015 Real Madridi fitoi 10-2 ndaj Rayo Vallecanos. Ky është rezultati më i lartë i arritur nga Cristiano me një ekip. Ai ishte autor i dy golave.
32. Rekord golash brenda një sezoni në Champions
Me 17 gola të shënuar në sezonin 2013-14, Cristiano Ronaldo mbanë rekordin më të lartë të këtij kompeticioni. Në këtë vit ekipi mori La Deciman.
33. Është përballur me 128 rival
Cristiano është përballur me 128 rival të ndryshëm në karrierën e tij si profesionist duke përfshirë edhe ndeshjet me kombëtaren.
