Kryeministri i Maqedonisë, Zoran Zaev do ta vizitojë Prishtinën javën që vjen ku do të ketë takime me kryeministrin e Kosovës, Ramush Haradinaj.
Kryeministrat do të mbajnë një konferencë të përbashkët, ndërkaq është paraparë një takim edhe ndërmjet Zoran Zaevit dhe Hashim Thaçit, e Kadri Veselit.
Takime janë paraparë edhe me bashkësinë afariste maqedono-kosovare. Zaev do të shoqërohet nga ministrat Kreshnik Bekteshi, Goran Sugareski, Robert Allagjozovski dhe Edmond Ademi.
Kjo do të hyjë në histori si vizita e parë zyrtare e një kryeministri të Maqedonisë në Kosovë.
