Marrë parasysh në studimet paraprake rreth këtij ilaçit, të cilat tregojnë se “paracetamoli” mpin ndjenjat e gëzimit, ka edhe shumëçka për të mësuar rreth tij, thonë ekspertët nga universiteti shtetëror në Ohajo. “‘Acetaminofen’ (emërtimi amerikan për “paracetamol”), mundet ta pakësojnë aftësinë e empatisë, që është brengosëse.
Empatia është e rëndësishme. Nëse grindeni me bashkëshortin, e paraprakisht keni marrë ‘acetaminofen’, aftësia juaj për ta kuptuar pse e keni lënduar mund të zvogëlohet”, shtojnë ata. Ky nuk është efekti i vetëm befasues i tij. Studimet paraprake sjellin përfundimin se analgjetiku lehtëson marrjen e vendimeve të vështira.
“Njerëzit kanë aftësi unike që të marrin vendime të duhura”, thonë shkencëtarët. Kur e bëjnë këtë, nganjëherë përdorin fjalë që vijnë në kontakt me dhimbjen fizike, për shembull kur thonë “zemra më dhemb” që u duhet ta shesin shtëpinë në të cilën kanë jetuar me vite.
“Sjellja e vendimeve të tilla mundet të jetë e dhimbshme, por analgjetiku kundër dhimbjes fizike mundet ta zbutë këtë efekt”, theksojnë shkencëtarët. Përfundimisht, “paracetamoli” mundet ta zbutë dhimbjen, theksojnë studiuesit.
