“Së shpejti do të vij në Maqedoni. Nuk i kemi pastruar llogaritë me pllakën e Kajmakçalan’, njoftoi ‘gjuetari i refugjatëve’, Dinko Velev, përcjell Telegrafi Maqedoni.
“Gjuetari i refugjatëve”, javë më parë u ndalua në kufirin e Maqedonisë pasi që u përpoq të bartë një pllakë përkujtimore të ngjashme me atë që e theu udhëheqësi televiziv maqedonas, Milenko Nedelkovski.
“Asgjë nuk mund të më ndalojë mua për ta vendosur monumenti tim! Është roli im në historinë e Bullgarisë”, ka thënë tani Dinko Velev.
Ai tha se nuk do ta thotë datën e nisjes në mënyrë që autoritetet maqedonase të mos e pengojnë atë që të hyjë në vend.
Velev insiston që të takohet sy në sy me gazetarin Milenko.
“Endi ecë me sigurim. Unë e di çdo hap të tij. Kam informatorë në institucionet e Maqedonisë”, tha bullgari Velev. /Telegrafi/
