Vendimi i inspektoratit është i sjellë në bazë të ligjit që është transparent dhe publik. Cilësimet e këtilla janë të pabaza dhe të pavërteta. Kështu është shprehur ministri i Ambientit Jetësor dhe Mjedisit hapësinor, Bashkim Ameti, shkruan Portalb.mk.
Ai këto komente i bëri pas pyetjes së Portalb se a do të hapet Jugohrom pas 90 ditëve, dhe se për të njëjtën ka dokumentacion.
“Ligji përcakton mbyllje 90 ditore, pastaj eventualisht vazhdim edhe 120 ditë, deri në vendosjen e filtrave. Nëse nuk vendosen deri atëherë e “Jugohrom” e humb lejen e punës përgjithmonë. Pa vendosje të filtrave nuk do të punon “Jugohrom” dhe askush tjetër”, tentoi të sqaroj më tutje ministri Ameti.
Sot punëtorët e “Jugohromit” kanë protestuar në Shkup, prej ku kanë kërkuar që ministri ta tërheq vendimin për mbylljen e kombinatit.
