Një anije panameze që po lundronte në gjirin verior japonez u nda në dysh ndërsa nisi të rridhte edhe naftë prej saj. Fatmirësisht, nuk pati të lënduar midis 21 personave që përbënin ekuipazhin dhe rrjedhja e naftës u mbajt nën kontroll.
Anija e ngarkuar me tallash druri hasi në cekëtirë në gjirin Hachinohe, arriti të shpëtonte veten, por për shkak të motit të keq nuk mund të lundronte dhe u ankorua rreth 4 kilometra larg portit.
Mëngjesin e së enjtes autoritetet raportuan se u nda në dy pjesë. Një vijë nafte rreth 5.1 kilometra e gjatë dhe 1 e gjerë rridhte prej saj, por u morën masa për kontrollimin.
Dy pjesët e anijes nuk kanë lëvizur dhe po monitorohen nga afër nga varkat e patrullimit, por nuk është vënë re asnjë ndryshim.
