Militantët e ISIS kanë filmuar veten e tyre duke djegur për së gjalli dy ushtarë turq. Video e tmerrshme është publikuar nga Daily Mail dhe tashmë po bën xhiron e botës.
Videoja është shpërndarë nga Shteti Islamik dhe tregon momentin kur dy ushtarë turq të kapur nga militantët e ISIS në “El Bab” nxirren nga një kafaz, pastaj spërkaten me benzinë dhe ashtu të lidhur u vihet flaka.
Ushtria turke gjendet prej muajit gusht në territorin e Sirisë duke luftuar sëfundmi në rajonin e “El Bab”. Gjatë ditëve të fundit ka pasur luftime të ashpra në atë zonë dhe mediat turke raportojnë se deri dje kishin ndërruar jetë 16 ushtarë turq dhe 37 të tjerë ishin plagosur.
Ndërhyrja e Turqisë në Siri erdhi pas grushtit të dështuar të shtetit në korrik pas të cilit u bë një spastrim i madh në radhët e gjeneralëve, të cilët nuk pranonin që të zhvillonin një aksion në terrotorin sirian.
