Ligjvënësit e Bashkimit Europian kanë votuar për të përfshirë gazin natyror në listën e prioriteteve të bllokut, duke mbështetur një propozim të diskutueshëm nga krahu i tij ekzekutiv që ka shkaktuar kritika të ashpra nga ambientalistët, sipas skynews.
Komisioni Europian në fillim të këtij viti bëri propozimin si pjesë e planeve të tij për të luftuar ndryshimet klimatike, duke dyzuar vendet anëtare. Ligjvënësit e BE-së nga komitetet e mjedisit dhe ekonomisë e kundërshtuan planin muajin e kaluar, duke vendosur votimin sot në Strasburg.
Por ligjvënësit e BE-së e hodhën poshtë rezolutën e tyre me një votim 328-278, me rezultatin e shpallur mes një duartrokitjeje. Greenpeace tha menjëherë se do të paraqesë një kërkesë zyrtare për rishikim të brendshëm në Komisionin Europian dhe më pas do të ndërmarrë veprime ligjore në Gjykatën Europiane të Drejtësisë nëse rezultati nuk është përfundimtar.
Dhe aktivistja e shquar mjedisore Greta Thunberg shtoi kritikat, duke thënë se kjo “do të vononte tranzicionin e nevojshëm dhe do të thellonte varësinë tonë nga karburantet ruse”- tha ai.
