Avioni më i madh në botë hipersonik dhe me hapje krahësh më të gjërë se një fushë futbolli sapo është prezantuar për publikun.
Aeroplani më i madh në botë ka bartur prototipin e një avioni hipersonik Talon në qiell për herë të parë – duke dëshmuar se ai mund të përdoret për të nisur fluturime super të shpejta në të ardhmen.
Një aeroplan me një hapje krahësh 117 metrash është parë duke mbajtur një automjet hipersonik në ajër për herë të parë, duke na sjellë një hap më afër raketës që fluturon me shpejtësinë e zërit për fluturimet komerciale.
Avioni Stratolaunch është i aftë për të fluturuar ngarkesa me pesë herë shpejtësinë e zërit.
Ai u ngrit mbi shkretëtirën Mojave në Kaliforni dhe fluturoi për 5 orë e gjashtë minuta, duke arritur një lartësi prej 7000 metrash.
Dr Zachary Krevor, CEO i kompanisë hapësinore Stratolaunch, tha: “Testimi dhe prodhimi po përshpejtohen ndërsa ne shtyjmë përpara për të përmbushur angazhimin tonë për ofrimin e shërbimit të testimit të fluturimit hipersonik për klientët tanë vitin e ardhshëm. Ekipi ynë do të vazhdojë të arrijë objektiva më komplekse të testimit ndërsa përparojmë në fluturimin tonë të parë hipersonik”.
Avioni peshon rreth 230,000 kg, por potencialisht mund të ngrihet duke mbajtur më shumë se 589,000 kg.
Është pothuajse dyfishi i madhësisë së një avioni Boeing-747 dhe është projektuar për të nisur një ditë në orbitë automjete kërkimore hipersonike.
Fluturimi hipersonik konsiderohet gjerësisht si kufiri tjetër për aviacionin dhe industrinë private të hapësirës, pasi mund të shkurtojë në mënyrë drastike kohën e fluturimit.
Si Rusia ashtu edhe Kina raportohet se po testojnë raketa hipersonike për përdorime ushtarake, siç po bën edhe Mbretëria e Bashkuar, e cila nisi projektin e saj të armëve hipersonike ‘pinguin vrasës’ në fillim të këtij viti.
Teknologjia mund të përdoret një ditë edhe për fluturimet e pasagjerëve, duke reduktuar udhëtimin nga Anglia në Australi në vetëm 3 orë.
