Sot është bërë pranim-dorezimi i detyrës në Agjensionin për Investime të Huaja, ku nga paraardhësi i tij Bekim Emini, detyrën e mori kryetari i degës së Aleancës për Shqiptarët në Gostivar, Gazmend Abdija.
Këtë e bëri të ditur vet Abdija në rrjetin social Facebook ku shkruan:
“Të respektuar miq e kolegë,
Dua të ndaj me ju lajmin se më është besuar drejtimi i Agjensisë për Investime të Huaja.
Të qënurit drejtor i një institucioni të tillë sa më nderon po aq edhe më vendos në kushte të larta përgjegjësie. Nuk dua të premtoj asgjë me fjalë. Puna ime do të jetë premtimi im! Me dedikim dhe sidomos ndershmëri, bashkë me miqtë tanë jashtë kufijve, uroj që të mund të bëjmë sa më shumë për vendin tonë.
Falenderoj partinë Aleanca për Shqiptarët që besoi tek unë!
Shpresoj t’i shërbejë deri në fund me korrektësi vendit dhe popullit tim!
Sinqerisht,
Gazmend Abdija”, ka shkruar ai.
