Hakerët janë gjithmonë një hap përpara pothuajse çdo gjëje dhe mund të zbulojnë gjithçka për jetën tuaj shumë lehtë, dhe ja disa shenja që do t’ju tregojnë nëse dikush ju ndjek.
Një numër i madh përdoruesish i kushtojnë shumë vëmendje nëse dikush po i përgjon, gjurmon dhe spiunon gjatë përdorimit të telefonave dhe pajisjeve të tjera.
Me avancimin e teknologjisë kanë avancuar edhe teknikat e përdorura nga hakerat për përgjimin dhe monitorimin e pajisjeve, gjë që tashmë është bërë shumë e lehtë. Kjo është veçanërisht e dukshme në të ashtuquajturat pajisje inteligjente.
Readers Digest zbulon disa nga shenjat më të zakonshme se dikush po ju ndjek.
Rivendosja e pajisjes – nëse telefoni fillon të rivendoset vetë, është e mundur që ai të ketë shkarkuar disa malware që bien ndesh me aplikacionet e tjera dhe mund të jenë një përpjekje hakerimi.
Ngadalësim drastik – nëse telefoni papritmas është shumë më i ngadalshëm dhe kapaciteti i baterisë po zvogëlohet me shpejtësi, është e mundur që dikush të ketë “hakuar” sistemin.
Zhurma të çuditshme – nëse dëgjoni tinguj statikë, klikim ose gumëzhimë, kjo mund të tregojë se dikush po përgjon pajisjen tuaj. Ekspertët thonë se kjo ndodh rrallë, por gjithsesi duhet t’i kushtoni vëmendje cilësisë së zërit.
Fikja e pajisjes për një kohë të gjatë – nëse vëreni se telefoni fiket për shumë më gjatë se më parë, mund të nënkuptojë se para se të fiket ai po dërgon të dhëna te faktorë të jashtëm, gjë që ngadalëson mbylljen e tij.
Mbinxehje – nëse pajisja mbinxehet edhe pse nuk po bëni asgjë të veçantë me të, mund të jetë një tregues se pajisja është hakuar. Programet me qëllim të keq funksionojnë vazhdimisht në sfond dhe janë të padukshëm për përdoruesin. Nga ana tjetër, mbinxehja mund të ndodhë edhe për shkak të një baterie të keqe në pajisje.
Për fat të mirë, ka disa mënyra se si mund të mbroni veten nëse dyshoni se jeni hakuar dhe jeni duke u përgjuar.
Së pari, rivendosni pajisjen tuaj. Një antivirus gjithashtu mund të jetë i dobishëm, por kjo nuk do të thotë se jeni plotësisht i mbrojtur.
Mbajeni GPS-in tuaj të fikur dhe ndizeni atë vetëm kur ju nevojitet. Sigurohuni që të përditësoni pajisjen tuaj në versionin më të fundit të softuerit dhe mos përdorni aplikacione të paverifikuara.
Rikthimi i pajisjes në cilësimet e fabrikës është metoda që përdorni kur asgjë tjetër nuk ju ndihmon dhe para kësaj bëni një “backup” të të dhënave që janë të rëndësishme për ju.
ME TE LEXUARA
38 min
Iphone 15 ende ka probleme
23 orë
Prezantohet lapsi i ri i Apple Pencil me port USB-C (FOTO)
37 min
Nafta sërish shtrenjtohet në bursat botërore, shkak lufta në Lindjen e Mesme
23 orë
Lufta Izrael-Palestinë: Një civil libanez u vra mes shkëmbimeve të zjarrit në kufi
23 orë
Ministri izraelit i Mbrojtjes: Trupat izraelite do të futen në Gazë së shpejti
