Mbrëmë rreth orës 20:00 kalimtarët e rastit në rrugën ”Aminta III” në Shkup e kanë gjetur një vajzë me lëndime të rënda në kokë dhe gjysëm të zhveshur e cila ishte maltretuar nga ish i dashuri i saj, shkruan Telegrafi Maqedoni.
Pas paraqitjes së rastit në policinë e Shkupit, zyrtarët e kanë hetuar rastin dhe e kanë veshur viktimën pasi ishte në rrezik për jetën si pasojë e temperaturave të ulëta.
Ngjarja ka ndodhur në momentin kur ish i dashuri i saj 52 vjeçar e ka marrë viktimën në veturë dhe e ka çuar në vendin e quajtur ”Zhelezara”.
Aty e ka rrahur dhe e ka zhveshur që të ngrij nga i ftohti.
Ndihma e shpejtë e ka marrë vajzën e lënduar dhe nga kontrolli mjekësor kanë dalë rezultate se e njëjta ka pasur lëndime të rënda dhe është mbajtur për shërim të mëtutjeshëm në klinikën për traumatologji në Shkup./Telegrafi/
