Fronti Evropian në një konferencë për media, janë ankuar duke thënë se të gjithë dje ishin dëshmitarë për, siç tha ai, keqpërdorimin brutal të KSHZ-së, për t’ia marrë dy mandate atyre.
“Zgjedhjet e 24 prillit dhe 8 majit kaluan në një atmosferë të qetë dhe u legjitimuan jo vetëm nga institucionet vendore por edhe ato ndërkombëtare”, tha Elmi Aziri.
Ai tha se pas konstatimit se Fronti është forca e dytë politike, forcat politike, VMRO-DPMNE, LSDM dhe VLEN po bëjnë të pamundurën për të kontestuar legjitimitetin e fituar nga Fronti më 8 maj.
“Në mënyrë jo të drejtë dhe me mbivotim si në kohërat e monizmit KSHZ u soll vendim për rivotim në disa vendvotime në zonën 5 dhe 6 pikërisht në vendvotime ku fitues janë palët ankimuese”, u shpreh Aziri.
Ai tha se kanë alarmuar të gjitha institucionet përkatëse dhe faktorin ndërkombëtar.
“Kemi informacione të sakta që ndaj anëtarëve të KSHZ-së, ditën e premte janë dhënë instruksione partiake në selitë e tyre nëpërmjet presionit politik. Theksojmë se këto vepra janë vepra penale dhe Fronti Evropian do të merr të gjitha masat dhe do të shfrytëzojë të gjitha format demokratike për të mbrojtur votën e lirë të qytetarëve”, deklaroi më tej Elmi Aziri.,
