Vdekja e liderit të Hezbollahut, Hassan Nasrallah, ka ngjallur reagime të ndryshme në Iran.
Pavarësisht se regjimi iranian shpalli pesë ditë zie kombëtare për humbjen e një aleati kritik, shumë iranianë po festojnë vdekjen e tij.
Për dekada, Hezbollahu ka qenë një lojtar kyç në politikën e jashtme të Iranit, që shumë besojnë se ka çuar në izolim ndërkombëtar dhe sanksione ekonomike, raporton BBC.
Iranianët që vuajnë nga vështirësitë ekonomike kanë shprehur pakënaqësi ndaj financimit të Hezbollahut nga regjimi, ndërkohë që nevojat e tyre mbeten të paplotësuara.
Mbështetja e Nasrallahut për qeverinë iraniane gjatë goditjeve të brendshme, duke përfshirë komentet e tij për vdekjen e Mahsa Amini në paraburgim, nxitën më tej pakënaqësinë.
Shumë iranianë e shohin Hezbollahun si bashkëpunëtor në shtypjen e protestave brenda Iranit, duke forcuar ndjenjat anti-Hezbollah.
Slogani “As Gaza, as Libani, unë do të jap jetën time për Iranin” është bërë një thirrje popullore gjatë protestave, duke simbolizuar kundërshtimin e gjerë ndaj ndërhyrjes së jashtme të regjimit dhe mbështetjen për Hezbollahun.
