Ambasadorja amerikane Angela Ageler tha se “lista e zezë” e Shteteve të Bashkuara është shumë dinamike dhe se emra të rinj po diskutohen vazhdimisht.
Ajo theksoi se nuk ka një afat kohor specifik për shtimin e personave të rinj në listë, pasi është një vendim i Uashingtonit.
Ajo shtoi se uashingtoni tashmë po shqyrton disa emra.
“Lista është shumë dinamike. Gjithmonë ka emra që rishikohen dhe diskutohen. Nuk kam afat kohor, sepse është vendimi i Uashingtonit, por mund t’ju sigurojë që deri sa flasim, ka një numër të emrave që merren në konsideratë, dhe si gjithmonë ne shohim që të shtojmë emra të rinj”, deklaroi Ageler.
Ajo këto komente i bëri pas hapjes së Konferencës së parë për luftimin e korrupsionit në Ballkanin Perëndimor të organizuar nga Ambasada e SHBA-së në Shkup, në bashkëpunim me Byronë Ndërkombëtare të Narkotikëve dhe Zbatimit të Ligjit (INL).
Lidhur me çështjen e rekomandimeve të Komisionit Shtetëror për Parandalimin e Korrupsionit për emërimin e anëtarëve të Bordit Drejtues të Akademisë së Gjyqtarëve dhe Prokurorëve Publikë, ajo urdhëroi që të respektohen.
“Nuk kam detaje konkrete, por do të theksoj se është e rëndësishme që këto komente dhe rekomandime të shqyrtohen me kujdes në mënyrë që publiku të marrë përgjigje për pyetjet”, tha Ageler.
Ambasadorja amerikane në Maqedoninë e Veriur, Angela Ageler tha se nuk ka afat kohor se kur do të ndodhë, por siguroi që lista e zezë amerikane do të përditësohet me emra të rinj nga Maqedonia e Veriut.
