Ish-presidenti rus Dmitry Medvedev ka paralajmëruar Perëndimin kundër vendosjes së armëve bërthamore në tokën ukrainase.
Duke iu përgjigjur raporteve që dolën nga SHBA javën e kaluar se Joe Biden po konsideronte transferimin e armëve bërthamore në Kiev, Medvedev tha se kjo do të interpretohej nga Kremlini si një sulm.
“Politikanët dhe gazetarët amerikanë po diskutojnë seriozisht pasojat e transferimit të armëve bërthamore në Kiev,” tha ai.
“Transferimi aktual i armëve të tilla mund të barazohet me faktin e kryer të një sulmi ndaj vendit tonë” sipas doktrinës së përditësuar bërthamore të Rusisë, shtoi ai.
Vladimir Putin e ndryshoi dokumentin javën e kaluar në atë që ishte një paralajmërim i fshehtë për Perëndimin, ai uli pragun për një sulm bërthamor, duke lejuar Moskën të përgjigjet me armë bërthamore nëse sulmohet nga ndonjë shtet që përdor armë konvencionale.
