Spektakli i shumëpritur “Big Brother VIP Albania” do të nisë zyrtarisht më 21 dhjetor, dhe tashmë kanë dalë në dritë emrat e parë të banorëve që do të bëhen pjesë e kësaj aventure.
Sipas burimeve të Iconstyle, Rozana Radi dhe Laert Vasili janë dy prej personazheve që do të hyjnë në shtëpinë më të famshme të Shqipërisë.
Rozana Radi, një artiste e suksesshme dhe shumëdimensionale, njihet si këngëtare, aktore dhe moderatore. Së fundmi, ajo ka fituar çmimin kryesor në “Kënga Magjike 2024”, duke u kurorëzuar si një nga artistet më të vlerësuara të vitit.
Kjo eksperiencë do të jetë një temë e nxehtë në shtëpi, pasi publiku pret rrëfime mbi përgatitjet dhe sfidat e saj. Me energjinë dhe personalitetin e saj të fortë, Rozana pritet të jetë një nga figurat më dinamike të edicionit.
Në anën tjetër, Laert Vasili, një aktor me përvojë të pasur në teatër dhe televizion, është i njohur për rolet e tij të thelluara dhe debatet e forta. Me karakterin e tij të spikatur, Laerti do të sjellë një tjetër dimension në spektakël, duke garantuar përballje dhe diskutime interesante mes banorëve.
