Nga: Çun Lajçi
Nga vjen gjithë kjo urrejtje e Jozit të BBA-së, që shpërtheu menjëherë pasi publiku (dhe jo vetëm publiku, por edhe “Vëllai i Madh”, i cili e drejtoi lojën sipas dëshirës) e riktheu Gerta Gixharrin në shtëpinë e madhe, edhe pse ajo dy herë tentoi ta dëmtonte djaloshin nga Peja, Besart Kelmendin – Gjestin, duke i hedhur fytyrës alkool.
Në darkën e shtruar pas prime-it, ky Jozi, që sillet si një sulltan dhe ofendon sa herë t’i teket, e quan Gjestin “bir shkine” dhe madje insiston që ai t’i kërkojë falje Gertës, e cila me qëllim deshi t’ia “përcëllonte” sytë me alkool.
Si ka mundësi që një këngëtar, i cili fiton edhe nga ahengjet e dasmat kosovare, t’i thotë Gjestit ” ti bir shkine”, duke ofenduar kështu nënat kosovare me një epitet të tillë?
Tani,
Ti, “Vëllai i Madh”, që shitesh i “madh” dhe i drejtë, pse i shkel rregullat e tua duke e rikthyer një grua që deshi ta dëmtonte Gjestin duke i hedhur me qëllim shampanjë dhe birrë në fytyrë? – Dhe pse nuk e nxjerr zarfin e zi për Jozin, i cili i quan nënat kosovare “shkina”?
Pse mbas këtij etiketimi, duhet të harxhojnë para kosovaret e t’iu votojnë juve, kur ju e urreni kosovarin e vetëm që keni aty, e që është shumë më i mirë se ju në lojë dhe në provokime brenda kufijve të lejuar? Pse e bullizoni, e nënçmoni, e etiketoni me emra kafshësh, ndërsa “Vëllai i Madh” hesht?
Turp ju qoftë! Ju bëheni bashkë si korbat për ta nxjerrë nga “kafazi” djaloshin e hareshëm dhe lozonjar, të dashurin dhe paqësorin, i cili shijon vitet e tij rinore dhe – pse jo – edhe dashurinë për Eglën, më të bukurën e BBA-së.
Kam menduar se BBA-ja është vërtet një lojë dhe nuk e kam ditur se ajo qenka edhe një lojë politike. Këtë e treguat mbrëmë duke shpalosur fytyrën e vërtetë të “dashurisë suaj të madhe” për kosovarët!
Gjesti, ti vërtet je më i miri dhe më i dashuri ndër banorët. E ke përkrahjen time të palëkundur, ashtu siç e ka edhe Albini në zgjedhjet e 9 shkurtit!
Fitore për të dy!
05.02.2025
