Pikasa Analytics, ka analizuar temat kryesore që dominuan në media lidhur me kandidatët për kryeministër gjatë fushatës zgjedhore.
Temat kryesore për secilin kandidat
Albin Kurti (LVV) – Më së shumti është përmendur në kontekstin e sigurisë në veri të Kosovës dhe dialogut me Serbinë, duke u fokusuar gjithashtu te lufta kundër korrupsionit dhe integrimet euro-atlantike.
Bedri Hamza (PDK) – Mediat kanë mbuluar kryesisht propozimet e tij për zhvillimin ekonomik, rritjen e pagave dhe pensioneve, si dhe ndërtimin e autostradave si pjesë e investimeve infrastrukturore.
Lumir Abdixhiku (LDK) – Diskutimi rreth tij ka qenë i lidhur me investimet kapitale në gjithë Kosovën, veçanërisht në kryeqytet, si dhe rritjen e koeficientit të pagave si një ndër zotimet e tij kryesore.
Ramush Haradinaj (AAK) – Mediat kanë theksuar angazhimin e tij për anëtarësimin e Kosovës në NATO, si dhe kritika ndaj pushtetit për krizën energjetike, rritjen e pagave dhe ndërtimin e autostradës së Dukagjinit.
Pikasa Analytics është kompani analitike e cila bën monitorim të mediave dhe rrjeteve sociale në mbi 25 shtete.
Analiza është realizuar përmes platformës analytics.live, e cila monitoron mbi 150 media digjitale në Kosovë. Nga 11 janari deri më 07 shkurt, janë publikuar mbi 35,000 lajme që trajtojnë kandidatët kryesorë për kryeministër.
