Bangladeshi është shteti i 114-të që e njeh pavarësinë e Kosovës, transmeton Anadolu Agency (AA).
Lajmin ka bërë të ditur ministri i Punëve të Jashtme të Kosovës, Enver Hoxhaj, i cili në një postim në llogarinë e tij zyrtare në Facebook ka shkruar: “Një lajm tjetër i mirë. Bangladeshi njeh pavarësinë e Kosovës. Lajmi më është konfirmuar para disa orësh edhe zyrtarisht. Kanë qenë vite përpjekjesh për të lobuar dhe marrë këtë njohje. Tani kemi 114 njohje”.
