LSDM-ja në kumtesën e sotme kërkoi nga presidenti Gjorge Ivanov të mos i dëmtojë interesat shtetërore të Republikës së Maqedonisë. Ata porositin se vullneti i shumicës do të realizohet.
“Me sjelljen e tillë të tij, Ivanov paraqet kërcënim të drejtpërdrejtë për interesat shtetërore të Republikës së Maqedonisë. Evropa dhe bota shikojnë se sjellja e Ivanovit nuk bazohet në kapitujt demokratik”, thonë nga LSDM-ja.
Prandaj, siç theksohet në kumtesën partiake, e tillë është edhe porosia e fundit nga liderët dhe institucionet e BE-së, që në Maqedoni e transmetoi kryetari i KE-së, Donald Tusk.
“Integrimet në BE dhe NATO janë përcaktime strategjike të qytetarëve dhe të Republikës së Maqedonisë. Proceset reformuese janë prioritet kulmor në Programin e qeverisë së re reformuese të një Maqedonie të bashkuar, e cila siguron qeverisje të të drejtës dhe jetës cilësore në një shoqëri për të gjithë qytetarët”, theksojnë nga LSDM-ja.
