Nënkryetarja e BDI-së Teuta Arifi sot deklaroi se për dalje nga kriza aktuale parlamentare secili duhet të sillet në mënyrë racionale dhe, siç tha, të formohet qeveri e reformave dhe shumicës së re.
“Maji veçmë është tejkaluar si mundësi kur mund të organizohen zgjedhje lokale. Normalisht se nevojitet në Kuvend të vendoset si do të vazhdojë mëtej por fillimisht pikërisht në Kuvend duhet të formohet dhe duhet të ndërpritet tendenca për hyrje edhe më të thellë në këtë krizë”, deklaroi Arifi, duke u përgjigjur në pyetjen e gazetarëve pas inaugurimit të parkut të rinovuar në Tetovë.
