De Biasi: Duhet të japim maksimumin tonë përballë Maqedonisë

Trajneri i Kombëtares së Shqipërisë në Futboll, Gianni De Biasi, në një konferencë për mediat në ambientet e Federatës së Futbollit Shqiptare të Futbollit ka prezantuar sot listën për dy ndeshjet e radhës, raporton Anadolu Agency (AA).

Në fjalën e tij gjatë prezantimit të listave për ndeshjen miqësore të Shqipërisë me Marokun dhe atë të vlefshme për eliminatorët e Botërorit Rusi 2018 me Maqedoninë De Biazi ka folur fillimisht për largimin e ish-kapitenit Cana.

“Dua të falënderoj Lorik Canën për kontributin e dhënë deri më tani dhe them me keqardhje që me vendimin e tij personalisht nuk do të jetë në këto eliminatore”, tha tekniku.

Ai shtoi se nën drejtimin e tij Kombëtarja e Shqipërisë do të vazhdojë të kërkojë dhe të mbledhë talente të reja për të bërë një skuadër akoma dhe më të fortë se ajo e EURO 2016-ës.

Ndërkohë në lidhje me ndeshjen me Maqedoninë ai u shpreh: ‘’Duhet të japim maksimumin tonë përballë Maqedonisë pasi është një skuadër e mire dhe në rast të një dështimi të mundshëm me këtë skuadër do të bëjmë një figure të keqe për tifozët dhe shikuesit tanë.

Ndërsa përsa i përket një rivaliteti të mundshëm me trajnerin e Kosovës, Albert Bunjakin, tekniku italian tha: “Nuk kam folur prej kohësh me trajnerin e Kosovës. Në këndvështrimin tim ai nuk ka bërë asgjë të çuditshme.”

De Biazi gjatë konferencës për mediat ka prezantuar edhe mjekun e ri të Kombëtares së Shqipërisë Gianluca Stesina i cili më pare ka punuar si mjek edhe në skuadrën e Juventusit. Më pas, ai ka konfirmuar edhe listën e futbollistëve që do të grumbullojë për miqësoren me Marokun dhe ndeshjen zyrtare kundër Maqedonisë.

Lista e futbollistëve që De Biasi, do të grumbullojë për këto dy ndeshje është si më poshtë: