Lideri i BDI-së Ali Ahmeti, gjatë tubimit në Moranë të Karshiakës, ka thënë para banorëve që të mos lejohet shfuqizimi i faktorit shqiptar në vend, pasi sipas tij, këto zgjedhje janë vendimtare pasi nuk duhet lejuar përsëritja e 2011-ës ku përmes përçarjes, humbi fuqia e 50 mijë votave të cilat mund të sillnin një numër të konsiderueshëm përfaqësuesish shqiptarë në Kuvend.
“Duhen të bëhen bashkë të gjitha partitë e vogla. Le të na fitojnë neve, por mos ta përçajnë votën. Nuk kemi mentalitet ofendues ndaj të tjerëve. Të tjerët po zhvillojnë një politikë të tillë ku po investojnë edhe qendra të huaja ë cilat nuk duan të mirën jo vetëm të BDI-së por edhe të shqiptarëve në tërësi”, tha Ahmeti.
Ahmeti tha se ende nuk është përmbyllur kapitulli, por se edhe përskaj pengesave që do t’i ketë BDI, puna drejt zbatimit të plotë të Programit që ka kjo parti, nuk ka për t’u ndalur.
