Rreth 4 tonë marihuanë janë konfiskuar sot në mëngjes nga policia, njoftoi Ministria e Brendshme e Maqedonisë së Veriut, përcjell INA.
Droga u konfiskua nga një kompani në Josifovo të Vallandovës, e cila posedonte licencë për prodhim të produkteve nga marihuana, për çështje mjekësore, por që pas kontrollit të bërë me kërkesë të Ministrisë së Shëndetësisë, janë vërejtur parregullësi.
Pas këtyre kontrolleve, Komisioni përkatës në Ministrinë e Shëndetësisë ka kërkuar që t’i merret licenca kësaj kompanie.
“Pas sigurimit të të gjitha provave materiale DPB Vallandovë deri te PTHP Gjevgjeli ka parashtruar kallëzim penal për vepër penale të kryer nga neni 95 B, 29G të Ligjit për kontrollin e drogave narkotike, ndaj menaxherit të personit juridik U.R.G. (21) nga Bullgaria, ish-menaxheri L.S. (35) nga Novosella, kundër personit juridik si dhe kundër B.I. (49) nga Dojrani i ri, B.I. (25) nga Strumica dhe N.G. (40) nga Strumica. Prokurori publik nga Prokuroria Publike e Gjevgjelisë ka lëshuar urdhër për konfiskimin e rreth 1390 kilogramëve marihuanë të falsifikuar, rreth 1630 kilogramë biomasë me THC dhe rreth 815 kilogramë marihuanë me THC”, njoftoi MPB.
