Me rastin e festës së Kurban Bajramit nuk ka mbetur pa uruar as kryetarti i BDI-së, Ali Ahmeti. “Kjo festë e madhe për të gjithë besimtarët e fesë Islame na sjell më afër njeri tjetrit dhe duke qenë pranë më të dashurve, ne jemi më afër edhe Perendisë”, shkruan në urimin e tij kreu i Integristëve.
“Të nderuar vëllezër dhe motra,
Kam nderin e veqantë që në emrin tim personal si dhe të të gjithë anëtarëve dhe simpatizuesve të Bashkimit Demokratik për Integrim, të urojmë të gjithë besimtarët e fesë Islame për festën e madhe të Kurban Bajramit.
Kjo festë e madhe për të gjithë besimtarët e fesë Islame na sjell më afër njeri tjetrit dhe duke qenë pranë më të dashurve, ne jemi më afër edhe Perendisë. Janë pikërisht festat ato që na rikthejnë dhe na përkujtojnë për vlerat e gjirit familjar, vlera në të cilat të gjithë ne tek Bashkimi Demokratik për Integrim besojmë dhe investojme shumë.
Pikërisht Kurban Bajramin e karakterizon pelegrinazhi, solidariteti, ndihma e ndërsjellë dhe shtrirja e dorës së miqësisë nëpërmjet të fuqizimit të besimit në Zot dhe në cilësitë dhe vlerat njerëzore.
Zoti qoftë gjithëmonë me shqiptarët dhe i bekoftë familjet tona me mirëqenie, mbarësi dhe harmoni”, thuhet në urimin e kryetarit të BDI-së./InfoShqip.com
