Sekretari organizativ i Lëvizjes BESA dhe deputeti Adnan Azizi, për herë të parë ka shpalosur se ka qenë i përfshirë në oganizimin e UÇK-së.
“Nuk kam qenë asnjëherë në strukturat e BDI-së, kam pas fat që nuk jam identifikuar asnjëherë. Kam qenë përkrahës dhe i involvua në ilegale dhe organizimin e UÇK-së. Nuk kam pranuar asnjëherë të figurojë emri im, duke qenë i sinqertë me veten sepse këto punë i kemi bërë me tjera nijete, me tjera pretendime dhe nuk e dinim që gjithë ai kontribut i njerëzve të sinqertë do të degjenerojë me një klikë të cilën e përfaqëson BDI-ja dhe që u mundua, atë kapital ta shfrytëzojë vetëm për pasurim, karrierë dhe për pushtet”, tha deputeti Adnan Azizi, në emisionin “Dialog te Lajmi”.
