Koalicioni VLEN po hyn në një fazë të re, me synimin për t’u shndërruar në më shumë se një strukturë politike, që i jep fund ndarjeve dhe pazareve që për dy dekada e kanë mbajtur peng politikën shqiptare.
Sekretari i përgjithshëm i Lëvizjes BESA dhe deputet i koalicionit VLEN, Adnan Azizi, përmes një deklarate të qartë dhe të prerë, tha se VLEN është një simbol që bashkoi dhe unifikoi shqiptarët.
“Ishte zëri dhe kërkesa e shqiptarëve që kishin kërkuar vazhdimisht që të bashkohen subjektet politike shqiptare për të sjellë ndryshimin. VLEN jo që do të jetë vetëm një parti, por do të jetë një frymë dhe një lëvizje që do t’i bashkojë shqiptarët dhe do t’u përgjigjet atyre, jo pazareve të individëve”, tha Azizi.
