Ish-ambasadori amerikan në Kroaci e Serbi, William Dale Montgomery, ka thënë se temat për të cilat do të flas zëvendëspresidenti amerikan, Joe Biden, në vizitën e tij dy ditore – 15 deri me 17 gusht – në Kosovë e Serbi, janë stabiliteti rajonal, terrorizimi dhe dialogu mes Kosovës e Serbisë.
“Unë pres që Biden do të bëjë përpjeke për të nxjerrë përparime të mëtejshme në drejtim të Marrëveshjes së Brukselit”, ka thënë Montgomery për agjencinë serbe të lajmeve Tanjug.
Ai thotë se Biden është njeriu kryesor në administratën e Presidentit, Barack Obama, kur është fjala për Ballkanin.
“Tema e dialogut të jetë një pikë e rëndësishme e vizitës së Biden, por edhe tema të lidhura me terrorizimin global do të fliten”, tha ish-ambasadori, njofton Klan Kosova.
