Duket se bojkoti që qytetarët i bënë marketeve po jep efekt. Nga Drejtoria e të Ardhurave Publike njoftojnë se nga të dhënat e sistemi të regjistrimit të transaksioneve (GPRS), në tetë rrjetet më të mëdha të marketeve është regjistruar një rënie e qarkullimit ditor prej 46,29 për qind, ndërsa në krahasim me javën e kaluar, është regjistruar rënie prej 46,59%.
“Sipas analizës krahasuese të të dhënave, të premten, 31 janar 2025, krahasuar me të premten, 24 janar 2025, në tetë rrjetet më të mëdha të supermarketeve është shënuar një rënie e qarkullimit totale prej 46,59%.
Të premten, 31 janar 2025, krahasuar me të enjten, 30 janar 2025, tetë rrjetet më të mëdha të supermarketeve shënuan një rënie prej 46,29% të qarkullimit total”, thonë nga Drejtoria e të Ardhurave Publike.
