Fondi i Kombeve të Bashkuara për Fëmijët (UNICEF), njoftoi se si pasojë e sulmeve të njëpasnjëshme ndaj një shkolle në qytetin Idlib të Sirisë humbën jetën 22 fëmijë dhe 6 mësues, raporton Anadolu Agency (AA).
Në deklaratën e UNICEF-it thuhet se sulmi që ka rezultuar me vdekjen e 22 fëmijëve dhe 6 mësuesve është sulmi më i përgjakur i kryer ndaj një shkolle në luftën e cila vazhdon më shumë se prej 5 vitesh në Siri.
Gjithashtu në deklaratë është theksuar se për shkak të sulmit familjet kanë humbur fëmijët ndërsa fëmijët kanë humbur mësuesit.
