Mbreti Saudit Selman bin Abdul-Aziz pati një bisedë telefonike me Presidentin turk Rexhep Tajip Erdogan. Është Agjencia Saudite e Lajmeve (SPA) që raportoi se biseda telefonike midis dy udhëheqësve i referohej koordinimit të përpjekjeve brenda punës së samitit G20, i cili organizohet nga Mbretëria e Arabisë Saudite, por që u diskutuan dhe marrëdhëniet dypalëshe, të acaruara vitet e fundit për një sërë arsyesh, aktuale dhe të së djeshmes historike.
Në finale, të dy vendet pretendojnë lidershipin e botës islame. Erdogan dhe Mbreti Selman ranë dakord që kanalet e dialogut duhet të jenë të hapura për zhvillimin e marrëdhënieve dypalëshe dhe eliminimin e problemeve, sipas një deklarate të lëshuar nga Departamenti i Komunikimeve i Presidencës Turke. Arabia Saudite dhe Turqia janë anëtare të një grupi ekonomik që përfshin 20 ekonomitë më të mëdha në botë. Mbreti Selman urdhëroi dy javë më parë që të dërgoheshin ndihma urgjente humanitare në Turqi për banorët e Izmirit që u goditën nga një tërmet në fund të muajit të kaluar.
Disa tregtarë sauditë dhe turq kanë diskutuar bojkotet jozyrtare saudite të mallrave turke në muajt e fundit, ndërkohë që muajin e kaluar, grupet që përfaqësojnë ndërmarrjet kryesore turke u bënë thirrje autoriteteve saudite të përmirësojnë marrëdhëniet tregtare midis dy vendeve. /tesheshi.com
