Kryeministri Edi Rama zhvilloi një bisedë telefonike me homologun e tij grek Alexis Tsipras, njofton Oranews.
Mediat greke shkruajnë se biseda telefonike është bërë me kërkesë të vetë kryeministrit shqiptar Edi Rama.
Kryeministri grek ka nënvizuar se është e nevojshme të bëhen hapa të rëndësishëm në bashkëpunimin mes dy vendeve, për implementimin e të cilit Greqia ka ndërmarrë një sërë inisitativash.
“Kryeministri grek ka nënvizuar se veprimet e fundit, por gjithashtu dhe rritje e retorikës nacionaliste, nga ana e Shqipërisë, minon klimën e besimit të nevojshëm për progresin e marrëdhënieve bilaterale” shkruan alphafreepress.gr.
“Gjithashtu kryeministri grek tha se mbrojtja e të drejtave të minoritetit grek ishte çështja kryesore në marrëdhëniet mes dy vendeve por gjithashtu dhe kusht themelor për perspektivën evropiane të Shqipërisë”, shkruan alphafreepress.gr.
