Kryeministri polak Donald Tusk tha këtë të enjte se fitorja e republikanit Donald Trump në zgjedhjet presidenciale në Amerikë do të ketë pasoja të rënda për sigurinë evropiane.
“Zgjedhjet në Amerikë do të kenë pasoja të rënda për politikën evropiane, veçanërisht në fushën e sigurisë”, tha ai në një konferencë shtypi përpara fluturimit të tij në Budapest për Samitin e Komunitetit Politik Evropian. Tusk theksoi se kjo është shumë e rëndësishme për Poloninë pasi, siç tha ai, ai vend ka interesa të përcaktuara qartë, shkruan BBC.
Kryeministri polak theksoi se mesazhi i tij kryesor për liderët e tjerë evropianë ishte “konsolidimi i marrëdhënieve transatlantike”, duke shtuar se ai kishte “marrëdhënie të mira personale” me Trump gjatë mandatit të tij të parë.
Tusk e përshkroi Trumpin si një partner “kërkues” që është “i paparashikueshëm” në politikë, si ndaj aleatëve ashtu edhe ndaj armiqve të tij. “Duhet të jemi gati për një ndryshim në krahasim me presidencën e Joe Biden”.
A do të ndikojë kjo për ne, në çështjet kyçe të sigurisë, Ukrainës, Rusisë, luftës, një kthesë në Uashington. Nuk njoh askënd që mund t’i përgjigjet saktësisht kësaj pyetjeje”, ka shtuar ai.
