Ministrja e Kulturës Elizabeta Kançevska- Milevska ka filluar të mbajë press konferencë në Muzen e VMRO-së. Ftesën për pres konferencë deri tek mediat kjo ministri e ka dërguar pas publikimit të dy hetimeve të reja të PSP-së.
Prokuroria publike speciale (PSP) sot në konferencë për shtyp njoftoi se kanë hapur dy lëndë hetuese për shkak të dyshimeve të bazuara për dëmtim të buxhetit shtetëror.
Hetimi i parë ka të bëjë me projektin “Qyteti i diellit”, për çka ekzistojnë dyshime se buxheti është dëmtuar për mbi 1.4 milionë euro. Keqpërdorimi, siç thonë nga PSP, është bërë nga Ministria për transport dhe lidhje, ndërkaq, hetimi i dytë është emëruar si “Tenderë” dhe ka të bëjë me projektin “Shkupi 2014”.
