Mesfushori spanjoll, Cesc Fabregas ka folur për “futbollistin perfekt” dhe sipas tij ai është ylli i Barcelonës, Lionel Messi.
Messi aktualisht është në mes të sezonit të tij të 17-të te Barca, ku ai ka gëzuar një sukses të pashembullt, duke fituar katër trofe të Ligës së Kampionëve dhe gjashtë Topa të Artë midis një morie të tërë trofesh tjerë të mëdha.
Fabregas, i cili ishte në gjendje të dëshmonte talentet e argjentinasit nga afër në Camp Nou midis viteve 2011 dhe 2014, mendon se ish-bashkëlojtari i tij nuk ka asnjë të barabartë në lojën moderne dhe thotë se ai gjithmonë do ta shohë 33-vjeçarin si një burim frymëzimi.
Ylli i Monakos i bëri nderime Messit para se të lavdëronte gjithashtu yje si Thierry Henry, Carles Puyol dhe John Terry kur u pyet për të përshkruar futbollistin e tij të përsosur.
Fabregas gjithashtu e etiketoi veten si një mjeshtër i lojës kur bëhet fjalë për artin e pasimit.
“Nga të gjithë lojtarët me të cilët kam luajtur, unë nuk kam nevojë të zgjedh shumë, do të zgjedh Lionel Messin dhe ju keni futbollistin perfekt aty. Nuk kam pse të shkoj aq larg”.
“Do të kisha shpejtësinë e Thierry Henry, cilësinë dhe inteligjencën e Messit, zemrën e Carles Puyol apo John Terry”.
“Pasimi i fundit, nuk mendoj se do ta ndryshoj atë për askënd, do të qëndroja i imi të jem i sinqertë!”, përfundoi Fabregas.
