Ministri i ri Politikës Sociale, Demografisë dhe Rinisë, Fatmir Limani ka takuar kryeministrin Hristijan Mickoski me të cilin ka diskutuar rreth rritjes së pensioneve.
Në takimin ku ka marrë pjesë edhe ministrja e Financave, Gordana Dimitrieska-Koçoska,
Limani ka dhënë lajmin e madh për pensionistët duke bërë të ditue se së shpejti do të marrin penisone më të larta.
“Të përkushtuar që të gjejmë një zgjidhje urgjente, e cila do të sjellë pensione më të larta, për mbi 300 mijë pensionistë. Nesër në seancën e Qeverisë do të diskutohet kjo zgjidhje jashtëzakonisht e rëndësishme që e kemi premtuar në zgjedhje dhe me këtë tregojmë përkushtimin tonë për të dhënë rezultate dhe për të punuar me përkushtim për të gjithë”, ka njoftuar ministri i ri Fatmir Limani.
