Flamuri i Kosovës është ngritur për herë të parë në histori në Beograd të Serbisë. Flamuri i Kosovës u vendos në kryeqytetin e Serbisë në kuadër të Kongresit të UEFA-s, organizmin më të lartë të futbollit europian.
Pavarësisht të shkuarës mes dy vendeve dhe përplasjeve të herë pas hershme, futbolli tregoi se mund të shkojë përtej diplomacisë apo politikave që ndjekin të dy vendet ndaj njëri-tjetrit.
Ky moment vjen në një kohë kur UEFA dhe Presidenti i FSHF-së, Armand Duka, janë sulmuar për vendimin e guximshëm për të organizuar Kampionatin Europian U-21 të vitit 2027 në Shqipëri dhe Serbi.
Flamuri i Kosovës nuk është vendosur në Beograd për provokim nga ana e UEFA-s, por për të treguar dëshirën e këtij institucioni për bashkëpunim dhe paqeje mes dy vendeve.
