Kampioni i edicionit të fundit në Superligën e Kosovës në basketboll, Golden Eagle Ylli ka mësuar kundërshtarin e tij në garat ndërkombëtare. Nga ora 11:00 është hedhur shorti për kualifikimet e FIBA Basketball Champions League.
Kampioni i Kosovës, Golden Eagle Ylli ka mësuar tashmë kundërshtarin e vet për ndeshjen e parë kualifikuese.
Klubi therandas në këtë garë prestigjioze ndërkombëtare do të përballet me portugezët e Benficës.
Kundërshtar të mundshëm ishin edhe CB Rio Breogan (Spanjë), Niners Chemnitz (Gjermani) dhe BC Kormend ( Hungari), por fati tërhoqi portugezët.
