Google kishte premtuar se gjatë verës do të lëshonte dy aplikacionet për chat dhe thirrje video.
Aplikacioni për video thirrje Duo u lëshua para një muaji dhe tani është lëshuar dhe aplikacioni për mesazhe Allo, transmeton Express. Karakteristikë e këtij aplikacioni është Google Assistant i cili ju përgjigjet në pyetjet tuaja si dhe mund të ju ndihmoj në gjetjen e vendeve me rëndësi si pika turistike, restauronte e shumë gjëra tjera.
Këtë mund ta bëni thjeshtë duke dërguar mesazh në @google dhe Google Assistant do ju kthej përgjigje menjëherë.
Ky aplikacion punon në platformën Android dhe iOS. Stafi jonë sot provoi ta shkarkoj në dy platformat por ai ishte vetëm në iOS, ndërsa në Android nuk ishte ende gati për Kosovë. Por nëse keni pajisje Android ju mund ta shkarkoni fajllin akp në këtë link, ndërsa për iOS në app store apo në faqen e Allo në këtë link.
