Eurokomisioneri Johanes Han, ka zhvilluar sot një takim me organizatat joqeveritare të Maqedonisë, të cilët kanë biseduar lidhur me zgjidhjen e krizës politike në vend.
Sipas tyre, Këshilli Gjyqësor duhet të shpërbëhet dhe të rizgjidhet në mënyrë që të sigurohet paanshmëri .
Ndërkoh Hahn kësaj rradhe ska pasur retorik diplomatike dhe ka përcjellur mesazh të qartë tek politikanët e Maqedonisë të cilët u dëgjuan në aferën e përgjimeve dhe ishin të involvuar në krim dhe korrupcion duke kërkuar që përmes departamentit special çdokush të jep llogari.
Në takim, gjithashtu është kërkuar edhe komunikim i drejtpërdrejtë me BE-në.
“Prioriteti ynë kryesor është që ne si shoqëri civile, kemi përmbledhur në dokumentin, për reforma urgjente demokratike në vend ose gjegjësisht formimin e një departamenti special në kuadër të Gjykatës Penale, formimin e një departamenti special në kuadër të Ministrisë së Punëve të Brendshme, për marrëdhënien e Qeverisë ndaj mediave”, tha kryetarja e Komitetit të Helsinkit, Uranija Pirovska.
