Ish kryeministri Lubco Georgievski dhe kryetar i VMRO PP, përmes faqes së tij në facebook në një përgjigje ndaj akuzave të fundit ka akuzuar Zhan Mitrevin dhe Dosta Dimovskën për pregaditje të atentatit ndaj tij, informon Zhurnal.
“Storia e fundit më rikujton Zhan Mitrevin të cilit i kemi blerë pajisje në vlerë prej 5 milion marka, i kemi dhënë ndërtesë dhe i siguruam monopol në biznesin e tij 6 milion euro qarkullim vjetor, mirëpo ai në bashkëpunim me Mane Jakovleskin kishin kërkuar atentator. Unë kam një listë me ata të cilët kanë përfituar nga unë dhe më pas kanë kërkuar arsye për hakmarje”, ka shkruar kështu Georgievski.
Më parë ai ka akuzuar dhe ish ministren e brendshme Dosta Dimovska se ka pregaditur atentat ndaj tij, mirëpo ajo menjëherë ka reaguar dhe i ka shkuar në zyrë e pas atij takimi Georgievski nuk ka thënë asnjë fjalë.
