Kandidati për kryetar të Gostivarit nga partia Aleanca për Shqiptarë Arben Taravari pasi që votoi tha se nëse i fiton zgjedhjet do të mundësojë që gjithë qytetarët të frymojnë lirshëm në Gostivar.
“Ne do të bëjmë edhe një hap përveç që do të bëjmë ndryshimin e qytetit do të mundësojmë që gjithë qytetarët të frymojnë lirshëm. Besoj procesi do të rrjedh mirë pa keqpërdorime dhe kjo do të ishte primati i këtyre zgjedhjeve. Ka kërcënime, telefonata, ka blerje votash dhe kjo është normale për një parti e cila me vite ka udhëhequr në këtë mënyrë dhe nuk është diçka spektakolare”, tha Taravari.
