Raportohet se ushtria e Azerbajxhanit u ka shkaktuar humbje të mëdha forcave armene, të cilat pavarësisht armëpushimit të deklaruar hapën zjarr natën e kaluar mbi trupat azerbajxhanase në drejtime të ndryshme të frontit dhe ndaj vendbanimeve civile azerbajxhanase.
Një deklaratë nga Ministria e Mbrojtjes e Azerbajxhanit tha se luftimet kanë vazhduar kryesisht në drejtim të qyteteve Agdere, Agdam, Hoxhavend dhe Gubadli të vijës së frontit.
Sipas deklaratës në fjalë në 24 orët e kaluara në pjesë të ndryshme të frontit janë asgjësuar 1 automjet i blinduar këmbësorie, 2 sisteme raketash tip “Grad”, 8 topa të kalibrave të ndryshëm, 2 kulla ndërlidhjeje dhe 5 makina të ushtrisë armene si dhe janë neutralizuar një numër i madh personeli ushtarak armen. Deklarata theksoi se fronti kontrollohet nga ushtria azerbajxhanase.
