Në shtëpinë e Big Brother VIP Albania 4 nuk kanë munguar debatet e forta mes banorëve, dhe një prej tyre është ai mes Gjestit dhe G Banit.
Të martën, ata nisën ditën me një përplasje të ashpër që tërhoqi menjëherë vëmendjen e publikut.
Gjesti, i cili tentoi ta zgjonte G Banin duke iu afruar në krevat, u ndesh me një reagim të ashpër nga ana e G Banit, i cili nuk e priti aspak mirë veprimin e tij.
Kjo përplasje u shoqërua me ndjekjen e G Banit pas Gjestit, pa asnjë fjalë mes tyre, por situata u tensionua më tej kur G Bani, i nervozuar, u duk sikur po përpiqej të godiste me grusht Gjestin dhe gjithashtu iu afrua shumë me fytyrë.
Pamjet e incidentit shpejt u bënë virale në platformat e ndryshme sociale, duke shkaktuar shumë reagime nga ndjekësit, të cilët e konsideruan si dhunë të papranueshme nga ana e Gjestit.
Në mes të tensioneve, është bërë e ditur se në shtëpi ndodhet një zarf i zi, i cili ka çuar në anulimin e televotimit.
Kjo situatë ka shtuar edhe më shumë kuriozitet dhe spekulime për atë se kush do të dalë nga shtëpia dhe çfarë do të ndodhë më tej me dinamika mes konkurrentëve.
