Mbrëmjen e djeshme (e shtunë) ka nisur spektakli më i madh në Shqipëri, Big Brother VIP. Moderator i këtij reality shou edhe këtë vit është Ledion Liço.
Ai në një moment tha që këtë periudhë të bëhen ‘meme’ sa më shumë pasi në janar do të mbyllet TikTok-u.
“Përfitoni nga fakti të bëni meme vetëm gjatë këtyre ditëve të dhjetorit sepse nga janari do të mbyllet TikToku”, u shpreh ai.
Tutje prezantuesi theksoi: “Kështu që nuk ka më meme, meme sa më shumë”.
Kjo pas vendimit të Qeverisë së Shqipërisë për të mbyllur TikTok-un për një vit pas rastit të 14-vjeçarit në Tiranë.
Kryeministi Edi Rama ka fajësuar mediat sociale, dhe TikTok në veçanti, për nxitjen e dhunës mes të rinjve brenda dhe jashtë shkollës.
