Romeu Lukaku ka qënë një nga emrat më të përfolur gjatë merkatos së verës.
Sulmuesi belg pasi përfundoi huazimin te Interi, u rikthye te Chelsea dhe ishte afër rikthimit te zikaltërit, por në fund përfundoi te Roma, shkruan IndeksOnline.
Kjo ka bërë që tifozët e Interit ta cilësojnë Lukakun si “tradhëtarë”.
Së fundi, sulmuesi belg ka folur për merkaton e verës gjatë grubullimit te kombëtarja e Belgjikës.
“Shumica e njerëzve që janë këtu në sallën e shtypit më njohin. Ata e dinë që nuk më pëlqen të merrem me fjalë boshe.
Me kalimin e kohës do të flas, por nëse do të thosha vërtet se si shkuan gjërat verën e kaluar, të gjithë do të tronditeshin. Janë thënë dhe shkruar shumë budallallëqe, ka pasur momente që mund të kisha shpërthyer, gjë që do të kishte ndodhur pesë vjet më parë.
Tani jam i fokusuar vetëm te futbolli dhe duhet të falënderoj Radja Nainggolan për kontaktin me Romën.”, deklaroi Lukaku.
Ish futbollisti i Chelseas foli edhe për ofertën që kishte nga skuadra arabe, Al Hilal.
“Isha i nderuar nga interesimi i tyre, folëm me njëri-tjetrin, por nuk isha plotësisht i bindur. Al-Hilal është klubi më i rëndësishëm në Lindjen e Mesme dhe kampionati i Arabisë Saudite do të bëhet ndër më të mirët në botë, por unë ende nuk doja të largohesha nga Evropa.
E dija shumë mirë se çfarë do të ndodhte gjatë verës. Ka pasur disa klube ku sigurisht nuk do të shkoja. Duhet të marrim parasysh se çfarë ka ndodhur vitet e fundit në nivel futbollistik dhe personal dhe kjo është arsyeja pse mendova kaq shumë përpara se të bëja zgjedhjen time”, u shpreh belgu.
