Mbi 60 ish-drejtues dhe ish-ushtarë të Ushtrisë Çlirimtare të Kosovës, do të akuzohen nga Zyra e Prokurorit të specializuar në Hagë. Aktakuzat nuk kanë të bëjnë vetëm me krime lufte, por edhe për vepra tjera të kryera deri në fund të vitit 2000.
Ish-komandanti i UÇK-së, Azem Syla është njëri nga të parët që pritet të akuzohet dhe ekstradohet në Hagë. Mes drejtuesve të lartë të UÇK-së, të akuzuar do të jenë edhe Shukri Buja, Sokol Dobruna dhe Daut Haradinaj, shkruan portali “Insajder”.
Aktakuza e parë pritet të shpallet menjëherë pas shënimit të dhjetë-vjetorit të shpalljes së pavarësisë së Kosovës, pas 17 shkurtit.
Nën hetime për krime të rënda janë edhe presidenti i Kosovës, Hashim Thaçi dhe kryeparlamentari, Kadri Veseli.
Thaçi, për rolin e tij si kryeministër i Qeverisë së Përkohshme dhe anëtar i Shtabit të Përgjithshëm, derisa Veseli për rolin e tij si shef i Shërbimit Informativ të Kosovës (SHIK).
Thaçi e Veseli nuk pritet të akuzohen në valën e parë
