ëse po përballeni me infeksion të traktit urinar (UTI), ekzistojnë disa metoda që do t’ju ndihmojnë në lehtësimin e infeksioneve.
Këto metoda gjithashtu mund t’ju ndihmojnë në parandalimin e infeksioneve të përsëritura, duke qenë se tek disa persona infeksionet janë të shpeshta.
Por cilat janë këto metoda?
Qëndroni të hidratuar
Pirja e mjaftueshme e ujit mund të ndihmojë në parandalimin e infeksioneve të traktit urinar.
Uji ndihmon organet e traktit urinar të largojnë në mënyrë efikase mbetjet nga trupi duke ruajtur lëndët ushqyese dhe elektrolitet vitale.
Të qenit i hidratuar gjithashtu hollon urinën dhe përshpejton udhëtimin e saj nëpër sistem, duke e bërë më të vështirë për bakteret që të arrijnë dhe të shkaktojnë infeksion në qelizat që rreshtojnë organet urinare.
Urinoni kur është nevoja
Urinimi i shpeshtë mund të ndihmojë në largimin e baktereve nga trakti urinar.
Gjithashtu redukton kohën e ekspozimit të baktereve në urinë ndaj qelizave në trakt, duke kufizuar rrezikun e ngjitjes së tyre dhe shkaktimit të infeksionit në këto qeliza.
Urinimi sa më shpejt të jetë i mundur pas urgjencës mund të ndihmojë në parandalimin dhe trajtimin e infeksionit të traktit urinar.
Pini lëng boronicë
Lëngu i boronicës së kuqe është një nga trajtimet natyrale më të njohura për infeksionet e traktit urinat. Njerëzit e përdorin gjithashtu për të pastruar infeksione të tjera dhe për të përshpejtuar shërimin e plagëve.
Hulumtimet nga viti 2020 mbi efektivitetin e boronicës së kuqe për UTI-të kanë gjetur se është efektive. Megjithatë, efektiviteti i tij mund të ndryshojë nga personi në person dhe nevojiten më shumë kërkime lidhur me llojin e produktit të boronicës dhe cila dozë është më efektive.
Merrni mjaftueshëm vitaminë C
Vitamina C është një antioksidant që ndihmon në përmirësimin e funksionit të sistemit imunitar.
Kjo gjithashtu reagon me nitratet në urinë për të formuar oksidet e azotit që mund të vrasin bakteret. Mund të ulë pH-në e urinës, duke e bërë më pak gjasa që bakteret të mbijetojnë.
Megjithatë, pak studime ka nëse konsumimi i tepërt i vitaminës C të parandalojë ose trajtojë infeksionin e traktit urinar.
Sipas hulumtimeve të kufizuara, marrja e suplementeve të tjera krahas vitaminës C mund të maksimizojë përfitimet e saj.
Praktikoni higjienën e duhur seksuale
Disa marrëdhënie seksuale mund të futin baktere dhe mikrobe të tjera në traktin urinar. Praktikimi i higjienës së përshtatshme seksuale mund të ndihmojë në uljen e këtij rreziku.
Shembuj të higjienës së duhur seksuale përfshijnë:
Urinimi para dhe menjëherë pas seksit;
Përdorimi i kontracepsionit pengues, siç është prezervativi
Pastrimi i organeve gjenitale, veçanërisht e lafshës, para dhe pas kryerjes së akteve seksuale ose marrëdhënieve
Siguroheni që ju dhe partneri keni pasur më herët infeksion urinar.
