Biznesmeni rus Oleg Tinkoff tha së fundmi se është i gatshëm të japë me qira akullthyesen e tij private që ka kushtuar 80 milionë euro, e pajisur me pista helikopteri, dhomë masazhi, mjete lëvizëse në akull dhe një nëndetëse të thellësive.
Anija e tij mund të merret me qira nga dashamirësit e aventurës për 740,000 euro në javë. Mjeti 77-metra i gjatë quhet La Datcha është prodhuar në kantieret Damen Yachting i porositur nga 52 vjeçari Tinkoff, i cili është themelues i Tinkoff Bank.
Akullthyesja mund të lundrojë në ujëra të veshura nga akulli për t’i hapur rrugën barkave dhe anijeve dhe është lëshuar nga porti i Vlissingen në jug të Holandës.
Ajo mund të qëndrojë në det të hapur rreth 40 ditë pa u kthyer në port dhe ka sisteme të avancuara karburanti dhe depozitimi të mbetjeve.
Milioneri rus thotë se e përdor vetë mjetin për 20 ditë në vit dhe kërkon ta japë me qera për pjesën tjetër.
